गणेशोत्सवाच्या तोंडावर फुलांचे दर वाढले; मुसळधार पावसामुळे आवक घटली
धुळे: राज्यात गेल्या काही दिवसांपासून सुरू असलेल्या मुसळधार पावसामुळे फुलांच्या शेतीचे मोठ्या प्रमाणावर नुकसान झाले आहे. याचा थेट परिणाम धुळे शहरातील फुलबाजारावर झाला असून, फुलांची आवक घटल्याने त्यांच्या दरात कमालीची वाढ झाली आहे. ऐन गणेशोत्सवाच्या काळात फुलांचे दर वाढल्यामुळे ग्राहक आणि विक्रेते दोघेही चिंतेत आहेत.
झेंडूच्या दरात वाढ
गेल्या तीन-चार दिवसांपासून धुळ्यात रिमझिम पाऊस सुरू असल्यामुळे फुलांचे उत्पादन मोठ्या प्रमाणात घटले आहे. यामुळे फुलबाजारात, विशेषतः झेंडूच्या फुलांची आवक खूप कमी झाली आहे. यापूर्वी झेंडू प्रति किलो ६० ते ८० रुपयांना विकला जात होता, मात्र आता दर वाढले आहेत.
यामुळे शेतकऱ्यांचे मोठे नुकसान झाले असून, फुलबाजारपेठेत चिंतेचे वातावरण आहे. फुल उत्पादक शेतकरी ज्ञानेश्वर शिंदे यांनी सांगितले की, “पावसामुळे फुलांची शेती खराब झाली आहे, त्यामुळे आवक कमी झाली आणि दरांमध्ये वाढ झाली आहे.”
गणेशोत्सव जवळ आल्याने फुलांना मोठी मागणी आहे, परंतु पुरवठा कमी असल्याने दरवाढ झाली आहे.
