धुळे तहसील कार्यालयातील आधार केंद्र चालकाची सेवा भावनेची कहाणी — स्वामींना मिळालं नवं आधार कार्ड!
धुळे; सामाजिक जीवनात बाळगत असताना सर्वच ठिकाणी लागणारी प्रमुख गोष्ट म्हणजे आधार कार्ड आणि या आधार कार्ड वरूनच आपली ओळख ही आपण सांगू शकतो त्यामुळे सर्वांकडे आधार कार्ड असणे अत्यंत महत्त्वाचे आहे…
त्यामुळे गेल्या पाच ते सहा वर्षांपासून आधार कार्ड पासून वंचित असलेले स्वामी माधवानंद सरस्वती हे आधार कार्ड मिळवण्यासाठी अनेक प्रयत्न करून थकले असता धुळे तहसील कार्यालयातील आधार केंद्र चालक राज वानखेडकर यांनी त्यांची विचारपूस करून आपल्या संपूर्ण टीमला त्यांना आधार कार्ड मिळवून देण्यासाठी कामाला लावले… आणि पाच ते सहा तासाच्या मेहनतीनंतर अखेर स्वामी माधवनंद सरस्वती यांचे आधार कार्ड तयार झाले…
स्वामी माधवानंद सरस्वती हे पाच ते सहा वर्ष आधी नाशिक येथे गेले असता बस स्थानकातून त्यांची बॅग चोरीला गेली त्यामध्ये त्यांचे सर्वच महत्त्वाची कागदपत्रे देखील चोरीस गेली.
संदर्भात त्यांनी नाशिकमध्ये शोध घेतला असता ती मिळून आली नाही अखेर आज पाच ते सहा वर्षापासून आधार कार्ड च्या शोधात असलेले स्वामी माधवनंद सरस्वती धुळे तहसील कार्यालयात असलेल्या आधार केंद्रात राज वानखेडे यांना भेटले व त्यांनी आपली कैफियत त्यांच्याकडे मांडली… यानंतर आधार केंद्र चालक राज वानखेडे यांनी आपल्या संपूर्ण टीमला स्वामी माधवानंद सरस्वती यांचे आधार कार्ड बनवण्यासाठी कामाला लावले व त्यांच्या अनेक तासाच्या मेहनतीला फळ आले… यानंतर नायब तहसीलदार येवलेकर रावसाहेब यांच्या हस्ते स्वामी माधवनंद सरस्वती यांना त्यांचे नव्याने बनवलेले आधार कार्ड सुपूर्द करण्यात आले… यावेळी स्वामी माधवानंद सरस्वती यांच्या चेहऱ्यावर आपल्याला आधार कार्ड मिळाल्याचे समाधान दिसत होते…
प्रतिनिधी नागिंद मोरे
