Author: Team Dhule News 24

लाडकी बहीण योजना बंद होणार नाही; झाली तर आमदारकीचा राजीनामा देईन – अमरीशभाई पटेल शिरपूर | प्रतिनिधी : नागिंद मोरे शिरपूर-वरवाडे नगरपरिषद निवडणुकीच्या पार्श्वभूमीवर शहरातील राजकीय वातावरण चांगलेच तापले आहे. या दरम्यान शहरात “धनुष्यबाण चिन्हाला मतदान केले नाही तर लाडकी बहीण योजना बंद होईल” अशी अफवा पसरवली जात असल्याची चर्चा वेगाने पसरत आहे. यामुळे अनेक नागरिकांमध्ये संभ्रम निर्माण झाला आहे. या संपूर्ण प्रकरणावर आमदार अमरीशभाई पटेल यांनी कडक शब्दांत प्रतिक्रिया देत विरोधकांचा समाचार घेतला. त्यांनी स्पष्ट केले की— “राज्यात मुख्यमंत्री देवेंद्र फडणवीस आहेत. जोपर्यंत देवाभाऊ आहेत, तोपर्यंत लाडकी बहीण योजना बंद होणार नाही. ही योजना बहिणींसाठी महत्त्वाची असून तिला बंद…

धुळे पुन्हा गारठले; थंडीचा पारा 7 अंशांवर धुळे | प्रतिनिधी: नागिंद मोरे धुळे जिल्ह्यात पुन्हा एकदा थंडीचा कडाका जाणवू लागला आहे. आज सकाळी शहरात 7 अंश सेल्सिअस इतक्या निचांकी तापमानाची नोंद झाली असून हे तापमान राज्यातील सर्वात कमी असल्याची माहिती हवामान विभागाने दिली आहे. थंड वाऱ्यांचा जोर वाढला गेल्या काही दिवसांपासून उत्तर भारतातून दक्षिणेकडे होणाऱ्या थंड वाऱ्यांच्या प्रवाहात वाढ झाली आहे. यामुळे उत्तर महाराष्ट्रातील वातावरणात कमाल आणि किमान तापमानात मोठे चढ-उतार पाहायला मिळत आहेत. परिणामी धुळे परिसरात थंडीची तीव्रता अधिक वाढल्याचे स्पष्ट होत आहे. हवामान विभागाचा अंदाज हवामान विभागाने पुढील काही दिवसात तापमानाचा पारा आणखी घसरण्याची शक्यता वर्तवली आहे. दरम्यान,…

धुळ्यात स्मार्ट मीटरविरोधात मनसे आक्रमक; सक्ती केल्यास ‘खळळ-खट्याक’ आंदोलनाचा इशारा राज्यात महावितरणकडून स्मार्ट प्रीपेड मीटर बसवण्याची मोहीम गती घेत असताना, धुळ्यात महाराष्ट्र नवनिर्माण विद्यार्थी सेनेने (मनविसे) या निर्णयाला जोरदार विरोध दर्शवला आहे. स्मार्ट मीटरची सक्ती केल्यास ‘मनसे स्टाईल खळळ-खट्याक आंदोलन’ उभारू, असा कडक इशारा मनसे पदाधिकाऱ्यांनी महावितरण प्रशासनाला निवेदनाद्वारे दिला. मनविसेचे धुळे उपाध्यक्ष शामक दादाभाई यांनी सांगितले की, महावितरण स्मार्ट मीटर मोफत असल्याचे सांगत असले तरी प्रत्यक्षात १२ हजार रुपयांचा खर्च आणि त्यावरील व्याजाचा भार 1 एप्रिल 2025 पासून थेट ग्राहकांच्या खिशातून वसूल करणार आहे. त्यामुळे हा निर्णय सर्वसामान्यांवर आर्थिक बोजा टाकणारा असल्याचा आरोप त्यांनी केला. वीज कायदा 2003नुसार मीटरची…

धुळे जिल्ह्यात ‘वीरांगना’ प्रशिक्षणाला मोठा प्रतिसाद; मुलींना शिकवले स्वसंरक्षण तंत्र धुळे जिल्ह्यात वाढत्या मुलीवरील अत्याचार, छेडछाड, तसेच अचानक उद्भवणाऱ्या संकटांच्या पार्श्वभूमीवर जिल्हा प्रशासनाने सुरू केलेल्या ‘वीरांगना’ स्वसंरक्षण प्रशिक्षणाला मोठे महत्त्व प्राप्त होत आहे. धुळे जिल्हाधिकारी भाग्यश्री विसपुते यांच्या संकल्पनेतून जिल्हाधिकारी कार्यालय आणि जिल्हा परिषद यांच्या संयुक्त विद्यमाने हा उपक्रम सुरू करण्यात आला आहे. उद्दिष्ट— 👉 विद्यार्थिनींना आत्मनिर्भर आणि आत्मविश्वासी बनवणे 👉 संकटसमयी स्वतःचे संरक्षण करण्याची क्षमता वाढवणे तीन दिवसीय प्रशिक्षण वर्गाची सुरुवात धुळ्यातील राज्य राखीव पोलिस दलाच्या मैदानावर या तीन दिवसीय स्वसंरक्षण प्रशिक्षणाचे उद्घाटन पार पडले. उद्घाटनप्रसंगी जिल्हाधिकारी विसपुते म्हणाल्या की, “विद्यार्थिनींचे रक्षण केवळ व्यवस्थेवर अवलंबून नसून मुलींमध्ये स्वतःचे संरक्षण…

धुळे; शालेय विद्यार्थ्यांच्या सुरक्षेसाठी वाहतूक विभागाची अचानक तपासणी; 60 चालकांची अल्कोहोल टेस्ट धुळे शहरातील शालेय विद्यार्थ्यांचा प्रवास सुरक्षित राहावा यासाठी आज दिनांक 26/06/2025 रोजी दुपारी 12.30 ते 02.30 वाजेपर्यंत वाहतूक विभागातर्फे शाळा सुटण्याच्या वेळेत विशेष अचानक तपासणी मोहीम राबविण्यात आली. ही मोहीम जे. आर. सिटी स्कूल, सेंट अँथनी स्कूल, कमलाबाई हायस्कूल, कनोसा स्कूल, श्रीजी स्कूल आणि नूतन पाडवी स्कूल परिसरात घेण्यात आली. तपासणीदरम्यान विद्यार्थ्यांची वाहतूक करणाऱ्या प्रायव्हेट ऑटो रिक्षा व व्हॅन चालकांची एकूण 60 जणांची ब्रेथ अ‍ॅनालायझरच्या सहाय्याने अल्कोहोल तपासणी करण्यात आली. यामध्ये सर्व चालकांना विद्यार्थ्यांच्या सुरक्षेसाठी वाहतूक नियमांचे काटेकोर पालन करण्याच्या स्पष्ट सूचना देण्यात आल्या. अधिकाऱ्यांनी चालकांना खालील बाबींचे…

धुळ्यात देवपूर घरफोडी प्रकरणाचा पर्दाफाश; पांझरा नदीकाठावरून आरोपी जेरबंद, पावणेदोन लाखांचा मुद्देमाल जप्त धुळे शहरातील देवपूर परिसरात झालेल्या घरफोडी प्रकरणाचा स्थानिक गुन्हे शाखेने वेगवान तपास करत यशस्वी पर्दाफाश केला आहे. पोलिसांनी पांझरा नदीकाठावर सापळा रचून जळगाव जिल्ह्यातील सराईत गुन्हेगार दत्तु अशोक ठाकरे याला शिताफीने ताब्यात घेतले. या आरोपीकडून ₹1,78,000 किमतीचा मुद्देमाल जप्त करण्यात पोलिसांना यश आले आहे. घटना अशी घडली काही दिवसांपूर्वी, मध्यरात्री देवपूरच्या सुयोगनगर क्षेत्रात राधेशाम सोनगीरे यांच्या बंद घरातून ₹4 लाखांची रोकड चोरीला गेली होती. घरफोडीचा या भागात मोठा धक्का बसला होता. तपासादरम्यान तांत्रिक माहिती व गुन्हेगारी रेकॉर्डचा अभ्यास करताना स्थानिक गुन्हे शाखेला या चोरीत चोपड्यातील सराईत गुन्हेगार…

धुळ्यात मुस्लिम महिलांतर्फे यज्ञाला श्रद्धांजली; घटनेचा निषेध, आरोपीस फाशीची मागणी तीव्र धुळे प्रतिनिधी : नागिंद मोरे मालेगाव तालुक्यातील डोंगराळे येथील चिमुरडी यज्ञावर झालेल्या अमानवी अत्याचार आणि हत्येच्या घटनेचा धुळे शहरात प्रचंड संताप आणि तीव्र निषेध व्यक्त केला जात आहे. या घटनेने सर्व समाजमन हादरले असताना, धुळ्यातील मुस्लिम महिलांनीही पुढाकार घेत शांततेत पण ठामपणे न्यायाची मागणी केली आहे. अलहेरा स्कूलच्या मागे, बोरसे कॉलनीजवळील अल्मरियम महिला अनाथ आश्रमात मुस्लिम समाजातील महिलांनी यज्ञाला श्रद्धांजली अर्पण करून हृदयस्पर्शी श्रद्धांजली वाहिली. या वेळी महिलांनी “यज्ञाला न्याय मिळालाच पाहिजे” असा निर्धार व्यक्त केला. फास्टट्रॅक न्यायालयातून जलद सुनावणीची मागणी महिलांनी प्रशासनाला निवेदन देत आरोपीला फास्टट्रॅक न्यायालयामार्फत तातडीच्या…

धुळे महानगरपालिका निवडणूक : निर्णय अधिकाऱ्यावर ‘संघटित गुन्हेगारी’चा गुन्हा दाखल करा — शिवसेना (ठाकरे गट)ची मागणी धुळे प्रतिनिधी : नागिंद मोरे धुळे महानगरपालिका निवडणुकीच्या प्रारूप मतदार यादीत मोठ्या प्रमाणावर झालेल्या तांत्रिक चुका, त्रुटी व घोळाबाबत शिवसेना (उद्धव बाळासाहेब ठाकरे) गटाने तीव्र नाराजी व्यक्त केली आहे. या सर्व घोळामुळे मतदारांची दिशाभूल होत असून राज्य निवडणूक आयोगाचीही बदनामी होत असल्याचा आरोप पक्षाने केला आहे. प्रारूप मतदार यादीत गंभीर चुका — ठाकरे गटाचा आरोप शिवसेना (ठाकरे गट)ने जिल्हाधिकाऱ्यांना दिलेल्या निवेदनात खालील मुद्दे अधोरेखित केले आहेत: प्रभाग सीमांकनाचा पूर्णपणे विचार न करता नावे टाकणे मृत मतदारांची नावे कायम ठेवणे नवमतदारांची नावे यादीतून वगळणे नागरिकांना…

पिंपळनेर पोलिसांची धडाकेबाज कारवाई! मद्याची तस्करी रोखत साडेतीन लाखांचा मुद्देमाल जप्त पिंपळनेर, धुळे प्रतिनिधी : नागिंद मोरे पिंपळनेर पोलिसांनी गुप्त माहितीच्या आधारे मोठी कारवाई करत वाहनातून होणारी मद्याची तस्करी रोखण्यात यश मिळवले असून, सुमारे ₹3 लाख 42 हजारांचा मुद्देमाल जप्त करण्यात आला आहे. गुप्त माहिती मिळताच पोलिसांनी सापळा रचून पांढऱ्या रंगाच्या संशयित वाहनाला ताब्यात घेतले. वाहनाची तपासणी केली असता ₹1,92,000 किमतीची विदेशी दारू आढळून आली. वाहनचालक विनायक सखाराम राऊत (रा. सिताडीपाडा, वार्सा, ता. साक्री) याची चौकशी केली असता, त्याने हा दारूसाठा राकेश जाधव (रा. पिंपळनेर) याच्याकडून विकत घेतल्याचे कबूल केले. पोलिसांनी वाहनासह मद्यसाठा तर ताब्यात घेतलाच, तसेच एकूण मुद्देमाल ₹3,42,000…

धुळे तालुका पोलीस ठाण्याची कामगिरी – ३३७ किमी पाठलाग करून तीन आरोपी जेरबंद; चोरीचे वाहन व बँडसाहित्य हस्तगत धुळे तालुका पोलीस ठाणे भाग-5 अंतर्गत अपराध क्रमांक 669/2025 भारतीय न्याय संहिता कलम 303(2) नुसार दाखल झालेल्या वाहनचोरी प्रकरणाचा तपास करताना पोलिसांनी उल्लेखनीय कामगिरी करीत तीन आरोपींना अटक करून ₹70,000 किंमतीचे टाटा LPT वाहन (MH-04-CU-1172) तसेच त्यावरील स्पीकर, मिक्सर व बँड साहित्य हस्तगत केले आहे. तक्रारदार सतीश संजय मोरे यांच्या मालकीचे वाहन दिनांक 03/11/2025 रोजी रात्री 09.00 ते 06/11/2025 दुपारी 04.30 या कालावधीत नेर शिवारातून अज्ञात चोरट्यांनी लंपास केले होते. घटनेची माहिती मिळताच पोलीस निरीक्षक श्री. धनंजय पाटील यांनी तात्काळ घटनास्थळी भेट…