धुळ्यात भाजपाचा आणखी एक बिनविरोध विजय; प्रभाग 17 मधून सुरेखा उगले विजयी धुळे | प्रतिनिधी धुळे महानगरपालिका निवडणुकीच्या पार्श्वभूमीवर भाजपाची घोडदौड सुरूच असून आज आणखी एक उमेदवार बिनविरोध निवडून आला आहे. प्रभाग क्रमांक 17 मधून भाजपाच्या सुरेखा उगले यांची बिनविरोध निवड झाली आहे. माघार घेण्याच्या पहिल्याच दिवशी हा विजय मिळाल्याने भाजपच्या गोटात आनंदाचे वातावरण आहे. काल भाजपाचे दोन उमेदवार बिनविरोध निवडून आल्याने पक्षाने विजयाचे खाते उघडले होते. आज सुरेखा उगले यांच्या बिनविरोध निवडीमुळे भाजपाचे आतापर्यंत तीन उमेदवार निवडणुकीपूर्वीच विजयी झाले आहेत. या घडामोडीमुळे धुळे महानगरपालिका निवडणुकीत भाजपाची ताकद अधिक वाढल्याचे चित्र असून, पुढील काही वेळात आणखी काही नगरसेवक बिनविरोध निवडून…
Author: Team Dhule News 24
धुळ्यात भाजपाचे दोन उमेदवार बिनविरोध; आणखी विजयांची शक्यता – आ.अनुप अग्रवाल धुळे | प्रतिनिधी: नागिंद मोरे धुळे महानगरपालिका निवडणुकीच्या पार्श्वभूमीवर आज उमेदवारी अर्ज छाननीची प्रक्रिया पार पडली. या प्रक्रियेत भाजपाने विजयाची दमदार सुरुवात करत प्रभाग क्रमांक 1 मधून उज्वला भोसले आणि प्रभाग क्रमांक 6 मधून ज्योत्स्ना पाटील या दोन उमेदवारांना बिनविरोध विजयी करून घेतले आहे. त्यामुळे धुळ्यात भाजपच्या गोटात आनंदाचे वातावरण पाहायला मिळत आहे. विशेष म्हणजे या दोन्ही उमेदवारांनी निवडणुकीच्या पार्श्वभूमीवर भाजपात प्रवेश केला होता आणि प्रवेशानंतर लगेचच त्यांना बिनविरोध विजय मिळाला आहे. या यशामुळे भाजपाने महानगरपालिका निवडणुकीत आपले विजयाचे खाते उघडले असून आगामी निवडणुकीत पक्षाची ताकद अधिक वाढत असल्याचे…
शिंदखेडा पोलिसांच्या सतर्कतेमुळे नऊ लाख ६९ हजारांची एटीएम चोरी हाणून पाडली शिंदखेडा पोलिस ठाण्याच्या सतर्कतेमुळे तब्बल नऊ लाख ६९ हजार रुपयांची एटीएम चोरी थोपवण्यात यश आले आहे. चोरट्यांनी वाहनाला दोरीच्या सहाय्याने एटीएम मशीन बांधून ते उखडून नेण्याचा प्रयत्न केला होता. मात्र, पोलिसांच्या वेळीच केलेल्या कारवाईमुळे चोरट्यांना रिकाम्या हाताने पळ काढावा लागला. आज मंगळवार (दि. ३०) पहाटे सुमारे अडीच वाजण्याच्या सुमारास सिक्युरिटी कॅश मॅनेजमेंट सिस्टिम (एसआयएस) कंपनीच्या गुरगाव (हरियाणा) येथील कंट्रोल रूमला शिंदखेडा परिसरातील स्टेट बँक ऑफ इंडिया (एसबीआय) एटीएममध्ये छेडछाड झाल्याचा अलर्ट प्राप्त झाला. हा अलर्ट तात्काळ शिंदखेडा पोलिस ठाण्याला देण्यात आला. माहिती मिळताच शिंदखेडा पोलिस ठाण्याचे उपनिरीक्षक ठाकरे व…
धुळे; पिंपळनेरमध्ये छेडछाड करणाऱ्या तीन रोडरोमिओंना नागरिकांनी दिला चोप, पोलिसांनी ठोकल्या बेड्या पिंपळनेर शहरात मुलींची छेड काढणाऱ्या रोडरोमिओंचा उपद्रव वाढत असताना पिंपळनेर पोलिसांनी तात्काळ कारवाई करत बसस्थानक परिसरात छेडछाड करणाऱ्या तीन तरुणांना ताब्यात घेतले आहे. विशेष म्हणजे या तिघांपैकी दोन आरोपी अल्पवयीन असल्याची माहिती समोर आली असून, या घटनेमुळे शहरात एकच खळबळ उडाली आहे. बसस्थानक परिसरात मुलींना त्रास देण्यात येत असल्याच्या तक्रारी सातत्याने मिळत होत्या. काही दिवसांपूर्वी एका शाळकरी मुलीची छेड काढणारा आरोपी अद्याप फरार असतानाच पुन्हा अशीच घटना घडल्याने नागरिकांमध्ये भीतीचे वातावरण निर्माण झाले आहे. दामिनी पथकाच्या गस्तीचा प्रभाव कमी झाल्याची चर्चा देखील शहरात सुरू आहे. घटनेची माहिती मिळताच…
धुळे; सराईत गुन्हेगारांना पोलिसांचा इशारा; निवडणुकीच्या पार्श्वभूमीवर हिस्ट्रीशिटर्सची झाडाझडती धुळे महानगरपालिकेच्या आगामी निवडणुकीच्या पार्श्वभूमीवर शहरातील कायदा व सुव्यवस्था अबाधित राखण्यासाठी धुळे पोलीस प्रशासन पूर्णपणे ‘ॲक्शन मोड’मध्ये आले आहे. निवडणुकीदरम्यान कोणताही अनुचित प्रकार घडू नये, यासाठी सराईत गुन्हेगारांवर विशेष लक्ष केंद्रित करण्यात आले आहे. शहरात 10 किंवा त्यापेक्षा अधिक गंभीर गुन्हे दाखल असलेल्या हिस्ट्रीशिटर्सना आज पोलीस अधीक्षक कार्यालयात बोलावून त्यांची थेट हजेरी घेण्यात आली. यावेळी त्यांची सखोल चौकशी करत भविष्यामध्ये कोणत्याही प्रकारचा कायदा भंग केल्यास कठोर कारवाईचा सज्जड इशारा देण्यात आला. निवडणुकीच्या काळात दादागिरी, धमकी, शांतता भंग किंवा गुन्हेगारी कारवाया केल्यास संबंधितांवर ‘मोक्का’, ‘एमपीडीए’ तसेच तडीपारीसारखी कडक कारवाई करण्यात येईल, असा…
धुळे महापालिका निवडणुकीच्या पार्श्वभूमीवर अवैध धंद्यांवर मोठी कारवाई स्थानिक गुन्हे शाखा व चार पोलीस ठाण्यांची संयुक्त मोहीम; 11 गुन्हे दाखल, 622 लिटर गावठी दारू नष्ट धुळे | प्रतिनिधी : नागिंद मोरे धुळे महानगरपालिकेच्या आगामी पंचवार्षिक निवडणुकीच्या पार्श्वभूमीवर कायदा व सुव्यवस्था अबाधित राखण्यासाठी स्थानिक गुन्हे शाखा, धुळे तसेच आझादनगर, देवपूर, पश्चिम देवपूर आणि मोहाडीनगर पोलीस ठाण्यांच्या संयुक्त पथकाने अवैध धंद्यांविरोधात मोठी कारवाई केली आहे. दि. 25 डिसेंबर 2025 रोजी करण्यात आलेल्या या विशेष मोहिमेत गावठी हातभट्टी दारू तयार व विक्री करणाऱ्यांवर छापे टाकण्यात आले. या कारवाईत एकूण 11 गुन्हे दाखल करण्यात आले असून 11 आरोपींविरोधात महाराष्ट्र दारूबंदी कायद्यान्वये कारवाई करण्यात आली…
धुळे महानगरपालिका निवडणूक : अजित पवार गटाची राष्ट्रवादी स्वबळावर; महायुतीत फूट स्पष्ट धुळे महानगरपालिकेच्या आगामी सार्वत्रिक निवडणुकीच्या पार्श्वभूमीवर शहराच्या राजकारणात मोठ्या घडामोडींना वेग आला आहे. महाविकास आघाडी ही निवडणूक एकत्रितपणे लढवणार असल्याचे स्पष्ट झाले असताना, दुसरीकडे महायुतीत मात्र अद्याप अंतिम निर्णय झालेला नाही. दरम्यान, राष्ट्रवादी काँग्रेस (अजित पवार गट) यांनी धुळे महानगरपालिकेची निवडणूक स्वबळावर लढवण्याचा निर्णय घेतल्याची अधिकृत घोषणा केली आहे. ही माहिती राष्ट्रवादी काँग्रेस (अजित पवार गट) च्या निवडणूक सुकाणू समितीचे अध्यक्ष तथा माजी आमदार डॉ. फारुक शहा यांनी दिली. डॉ. फारुक शहा यांनी सांगितले की, राष्ट्रवादी काँग्रेस (अजित पवार गट) कडे आतापर्यंत 74 जागांसाठी तब्बल 220 इच्छुकांनी उमेदवारी…
साक्री–पिंपळनेर परिसरात शेतमाल चोरी करणारी टोळी जेरबंद; 9.85 लाखांचा मुद्देमाल जप्त साक्री | धुळे | प्रतिनिधी : नागिंद मोरे साक्री आणि पिंपळनेर पोलीस ठाण्याच्या हद्दीत शेतकऱ्यांच्या शेतातून कापूस, सोयाबीन व बाजरी चोरी करणाऱ्या अट्टल टोळीचा पर्दाफाश करण्यात धुळे स्थानिक गुन्हे शाखा आणि साक्री पोलिसांना मोठे यश मिळाले आहे. या संयुक्त कारवाईत 5 आरोपींना अटक करण्यात आली असून, त्यांच्याकडून पिकअप वाहनासह एकूण 9 लाख 85 हजार 500 रुपये किमतीचा मुद्देमाल जप्त करण्यात आला आहे. गेल्या काही दिवसांपासून साक्री तालुक्यात शेतमाल चोरीच्या घटनांमध्ये वाढ झाली होती. यामुळे शेतकऱ्यांमध्ये भीतीचे वातावरण पसरले होते. या पार्श्वभूमीवर पोलीस अधीक्षक श्रीकांत धिवरे यांनी स्थानिक गुन्हे शाखा…
धुळे : इन्स्टाग्राम स्टेटसवर ‘गुड बाय’; तापी नदीत उडी घेऊन २२ वर्षीय तरुणाची आत्महत्या प्रतिनिधी नागिंद मोरे| धुळे धुळे जिल्ह्यातील शिरपूर तालुक्यात एक हृदयद्रावक घटना समोर आली आहे. शिरपूर तालुक्यातील वाडी खुर्द येथील उमेश राजेंद्र पाटील (वय २२) या तरुणाने तापी नदीवरील पुलावरून उडी घेऊन आत्महत्या केल्याची घटना आज दुपारी उघडकीस आली. उमेश पाटील हा कुटुंबातील एकुलता एक मुलगा होता. तो रोजगारानिमित्त सुरत येथील एका खासगी कंपनीत काम करत होता. यात्रेनिमित्त दोन दिवसांपूर्वीच तो आपल्या मूळ गावी वाडी खुर्द येथे आला होता. आत्महत्येपूर्वी उमेशने आपल्या इन्स्टाग्राम अकाउंटवर तापी नदीच्या पार्श्वभूमीवर स्वतःचा सेल्फी शेअर करत त्यावर ‘गुड बाय’ असे स्टेटस ठेवल्याचे…
धुळ्यात आंतरराज्यीय घरफोडी टोळी गजाआड; 15.60 लाखांचे सोने जप्त, 6 गुन्ह्यांची उकल धुळे : धुळे तालुका पोलीस ठाण्याच्या हद्दीत घरफोडी करणाऱ्या आंतरराज्यीय टोळीला अटक करून पोलिसांनी सहा घरफोडी गुन्ह्यांची उकल केली आहे. या कारवाईत पोलिसांनी 15 लाख 60 हजार रुपये किमतीचे 120 ग्रॅम सोन्याचे दागिने तसेच 30 हजार रुपये किमतीची मोटारसायकल हस्तगत केली आहे. दिनांक 24 नोव्हेंबर ते 25 नोव्हेंबर 2025 दरम्यान कुसुंबा (ता.जि. धुळे) येथे वसंतराव राजाराम चव्हाण यांच्या घराचे कुलूप तोडून अज्ञात चोरट्यांनी सोने-चांदीचे दागिने व रोख रक्कम चोरून नेल्याची तक्रार धुळे तालुका पोलीस ठाण्यात दाखल करण्यात आली होती. याच कालावधीत कुसुंबा, नेर, मोराणे, कुंडाणे व अकलाड या…