धुळ्यात तरुणाचा संशयास्पद मृत्यू; नातेवाईकांचा घातपाताचा आरोप, पोलिसांत अपघाती मृत्यूची नोंद धुळे शहरातील शनी नगर भागात राहणाऱ्या गणेश पिंटू मोरे या तरुणाचा काल रात्री संशयास्पद परिस्थितीत मृत्यू झाल्याची घटना घडली. या घटनेनंतर परिसरात एकच खळबळ उडाली आहे. प्राथमिक माहितीनुसार संबंधित तरुणाचा अपघाती मृत्यू झाल्याचे समजत असून, या प्रकरणी तालुका पोलीस ठाण्यात अपघाती मृत्यूची नोंद करण्यात आली आहे. मयत गणेश मोरे याचे शव धुळे येथील हिरे शासकीय वैद्यकीय महाविद्यालयात शवविच्छेदनासाठी पाठवण्यात आले. मात्र, गणेशच्या आई-वडिलांनी आपल्या मुलाचा अपघात नसून घातपात झाला असल्याचा संशय व्यक्त केला आहे. त्यांनी पोलिस ठाण्यात हजर होत खुनाचा गुन्हा दाखल करण्याची मागणी करत जोरदार गदारोळ केला. दरम्यान,…
Author: Team Dhule News 24
धुळे जिल्ह्यातील नरडाणा एमआयडीसीतील बांभळे शिवारात मोबदला न दिल्याने शेतकरी आक्रमक धुळे जिल्ह्यातील नरडाणा एमआयडीसी अंतर्गत येणाऱ्या बांभळे शिवारातील गट क्रमांक 105 मधील शेतकरी सध्या तीव्र संताप व्यक्त करत आहेत. शासन व एमआयडीसी प्रशासनाने कोणतीही पूर्वसूचना न देता शेतकऱ्यांच्या जमिनी ताब्यात घेऊन त्या थेट उद्योजकांना दिल्याचा गंभीर आरोप शेतकऱ्यांनी केला आहे. शेतकऱ्यांचे म्हणणे आहे की, त्यांच्या जमिनी शासनाने जबरदस्तीने आपल्या नावे करून घेतल्या असून आजपर्यंत कोणत्याही प्रकारचा मोबदला देण्यात आलेला नाही. मात्र, अशाच जमिनी एमआयडीसीमार्फत उद्योगांसाठी विकण्यात आल्याने शेतकऱ्यांमध्ये तीव्र नाराजी पसरली आहे. “जोपर्यंत आमच्या जमिनीचा योग्य मोबदला मिळत नाही, तोपर्यंत कोणत्याही परिस्थितीत जमीन उद्योजकांच्या ताब्यात देणार नाही,” असा ठाम…
धुळे महापालिकेत शिंदे गट–अजित पवार गट एकत्र; महापौर-उपमहापौरपदासाठी अर्ज दाखल धुळे महानगरपालिकेच्या महापौर व उपमहापौर निवडणुकीसाठी राजकीय हालचालींना वेग आला आहे. शिवसेना शिंदे गट आणि राष्ट्रवादी काँग्रेस अजित पवार गट एकत्र येत ‘शहर विकास आघाडी’ स्थापन करण्यात आली असून या आघाडीच्या वतीने अधिकृत उमेदवारी अर्ज दाखल करण्यात आले आहेत. शिवसेना शिंदे गटाकडून गीता तुषार नवले यांनी महापौर पदासाठी, तर राष्ट्रवादी काँग्रेस अजित पवार गटाकडून अन्सारी फजलु इरफान रहेमान यांनी उपमहापौर पदासाठी उमेदवारी अर्ज सादर केला आहे. या निवडणुकीत शहराच्या विकासाला आणि सर्वांगीण प्रगतीला प्राधान्य देणार असल्याचा निर्धार आघाडीतील नेत्यांनी व्यक्त केला आहे. महापालिकेतील बदलत्या राजकीय समीकरणांमुळे ही निवडणूक अधिक रंगतदार…
Dhule News धुळे पोलिसांचा ‘करेक्ट कार्यक्रम’! ४० लाखांच्या मुद्देमालासह विदेशी दारूचा मोठा साठा जप्त धुळे | प्रतिनिधी जळगावकडून धुळे मार्गे गुजरात राज्याकडे बेकायदेशीररित्या विदेशी दारूची वाहतूक होत असल्याची खात्रीशीर गोपनीय माहिती स्थानिक गुन्हे शाखेला मिळाल्यानंतर शिताफीने कारवाई करत मोठा साठा जप्त करण्यात आला आहे. दिनांक 30 जानेवारी 2026 रोजी पोलीस निरीक्षक श्रीराम पवार, स्थानिक गुन्हे शाखा, धुळे यांना जळगाव–धुळे मार्गे गुजरातकडे जाणाऱ्या टाटा कंपनीच्या कंटेनर (क्रमांक RJ 52 GA 3630) मधून बेकायदेशीररित्या विदेशी दारूची वाहतूक होत असल्याची माहिती मिळाली होती. माहितीची खात्री करून पुढील कारवाईसाठी पोलीस उपनिरीक्षक मुंढे व पथकाला सूचना देण्यात आल्या. त्यानुसार दिनांक 31 जानेवारी 2026 रोजी पहाटे…
धुळ्यात वोल्वो बसचा वापर करून गुटखा तस्करी; 8.18 लाखांचा पानमसाला आणि 1.5 कोटींची बस जप्त धुळे | प्रतिनिधी धुळे तालुका पोलीसांनी मोठी कारवाई करत पॉश वोल्वो लक्झरी बसच्या आड सुरू असलेली गुटखा तस्करी उघडकीस आणली आहे. या कारवाईत सुमारे ८,१८,०८५ रुपये किंमतीचा प्रतिबंधित सुगंधित पानमसाला तसेच १ कोटी ५० लाख रुपये किंमतीची वोल्वो लक्झरी बस जप्त करण्यात आली आहे. पोलीस निरीक्षक धनंजय पाटील यांना दिनांक २० जानेवारी २०२६ रोजी विश्वसनीय गुप्त बातमीदारामार्फत माहिती मिळाली होती की, इंदौर येथून श्यामोली परिवहन कंपनीची वोल्वो लक्झरी बस (क्रमांक MP-41-ZJ-7444) पुण्याकडे प्रतिबंधित गुटख्याची वाहतूक करीत आहे. या माहितीचे गांभीर्य लक्षात घेऊन मा. पोलीस अधीक्षक…
Dhule News धुळ्यातील शिंदखेड्यात भीषण अपघात; मद्यधुंद ‘छोटा हत्ती’ चालकाने विद्यार्थिनीला उडवलं धुळे जिल्ह्यातील शिंदखेडा शहरातील भगवा चौक परिसरात एक हृदयद्रावक अपघात घडला असून मद्यधुंद अवस्थेतील छोटा हत्ती (मालवाहतूक वाहन) चालकाने धडक दिल्याने शाळकरी विद्यार्थिनीचा जागीच मृत्यू झाला आहे. या घटनेमुळे संपूर्ण परिसरात हळहळ व्यक्त करण्यात येत आहे. मिळालेल्या माहितीनुसार, फिल्टर पाण्याचे जार वाहून नेणारा छोटा हत्ती चालक ओव्हरटेक करत असताना पायी चालत जाणाऱ्या प्रियंका कोळी (वय 21 वर्षे) या विद्यार्थिनीला जोरदार धडक दिली. अपघात इतका भीषण होता की प्रियंका यांचा जागीच मृत्यू झाला. या अपघातानंतर परिसरात एकच खळबळ उडाली असून नागरिकांनी घटनास्थळी मोठी गर्दी केली. मद्यधुंद वाहन चालवणाऱ्या चालकामुळे…
Dhule Crime धुळ्यात लाचखोर अधिकाऱ्यांची साखळीच ‘एसीबी’च्या तावडीत! ३० हजारांच्या लाचेने संपवलं करिअर… धुळे जिल्ह्यात एकाचवेळी नगररचना विभाग आणि जिल्हाधिकारी कार्यालयातील तिघे अधिकारी–कर्मचारी लाच प्रकरणात अडकल्याने प्रशासनात खळबळ उडाली आहे. औद्योगिक प्रयोजनासाठी जमीन बिनशेती मंजूर करून देण्यासाठी ३० हजार रुपयांची लाच स्वीकारताना धुळे लाचलुचपत प्रतिबंधक विभागाने (ACB) तिघांना रंगेहाथ अटक केली आहे. या कारवाईत धुळे नगररचना विभागातील सहाय्यक रचनाकार कल्पेश धनलाल मोरे (वय २८, वर्ग–२), सहाय्यक आरेखक किशोर भटा भोई (वय ४३, वर्ग–३) तसेच धुळे जिल्हाधिकारी कार्यालयातील महसूल सहाय्यक दीपक आनंद हटकर (वय ४०) यांना अटक करण्यात आली आहे. तक्रारदारांच्या वडिलांच्या नावावर असलेल्या शेतजमिनीतील १० हजार चौरस…
Dhule News लळींग टोलनाक्यावर मोहाडी नगर पोलिसांची मोठी कारवाई; ट्रकसह १ कोटींचा दारूसाठा जप्त धुळे (प्रतिनिधी) : धुळे जिल्ह्यातील मोहाडी नगर पोलिसांनी मद्य तस्करांविरोधात मोठी कारवाई करत लळींग टोलनाक्याजवळ ट्रकसह तब्बल १ कोटी २ लाख १६ हजार रुपयांचा विदेशी दारूसाठा जप्त केला आहे. पोलिसांच्या या धडक कारवाईमुळे दारू तस्करीचे मोठे रॅकेट उघडकीस आले आहे. मिळालेल्या माहितीनुसार, मालेगावकडून धुळ्याच्या दिशेने येणारा एक संशयास्पद ट्रक पोलिसांच्या निदर्शनास आला. पोलिसांनी ट्रकला थांबवून तपासणी केली असता त्यात १ हजार ५०० बॉक्स विदेशी दारू आढळून आली. संबंधित दारूसाठा बेकायदेशीररित्या वाहतूक केला जात असल्याचे स्पष्ट झाल्यानंतर पोलिसांनी तात्काळ कारवाई केली. ही कारवाई पोलीस अधीक्षक श्रीकांत धिवरे…
Dhule Election Result; धुळे महापालिकेत भाजपची सत्ता अबाधित; ५० जागांसह प्रचंड बहुमत! धुळे : धुळे महानगरपालिका निवडणूक २०२६ मध्ये भारतीय जनता पक्षाने दणदणीत विजय मिळवत राजकीय वर्चस्व सिद्ध केले आहे. भाजपने तब्बल ५० जागा जिंकत एकहाती बहुमत मिळवले असून महापालिकेवर पुन्हा एकदा आपला भगवा झेंडा डौलाने फडकवला आहे. या घवघवीत विजयाचे शिल्पकार म्हणून शहराचे आमदारच पुढे आले असून त्यांच्या नेतृत्वाखाली भाजपने ही ऐतिहासिक मुसंडी मारल्याचे मानले जात आहे. विरोधी पक्षांना या निवडणुकीत मोठा धक्का बसला आहे. राष्ट्रवादी काँग्रेस (अप) ला केवळ ०८ जागा, तर शिवसेना (शिंदे गट) ला ०५ जागा मिळाल्या आहेत. यंदाच्या निवडणुकीत एमआयएमनेही जोरदार भरारी घेत १० जागांवर…
धुळे मतदानाच्या पूर्वसंध्येला शिवसेना शिंदे गटाच्या जिल्हाप्रमुखांच्या घरावर दगडफेक, राजकीय वातावरण तापले धुळे | प्रतिनिधी धुळे महानगरपालिकेच्या मतदानाच्या पूर्वसंध्येला शहरात खळबळजनक घटना घडली आहे. शिवसेना शिंदे गटाचे जिल्हाप्रमुख मनोज मोरे यांच्या घरावर अज्ञातांनी दगडफेक केल्याची घटना आज सायंकाळी घडली. या घटनेमुळे धुळ्यातील राजकीय वातावरण चांगलेच तापले आहे. या दगडफेकीत मनोज मोरे यांच्या घराबाहेर ठेवलेल्या खुर्च्यांचे नुकसान झाले असून घराच्या खिडक्यांच्या काचा फुटल्या आहेत. घरासमोर विटांचा खच पडलेला दिसून येत आहे. सुदैवाने या घटनेत कोणतीही जीवितहानी झालेली नाही. या प्रकरणी शिवसेना शिंदे गटाचे जिल्हाप्रमुख मनोज मोरे यांनी भाजपाच्या प्रभाग क्रमांक 2 मधील उमेदवार प्रभावती शिंदे यांचे पती विलास शिंदे व त्यांच्या…